U Montri Rangbah ka jylla, u Conrad k Sangma ynne da yaklam u wa ka ‘Producers Group’, kawa man ka seiñ ki warep hapoh ka lama Farmers Collectivization for Upscaling Production and Marketing Systems (Focus) ha Gokulgre, hajan Mendal, North Garo Hills heiwa da ong u wa ka sorkar da mang ko T. 200 klur ya ki seiñ wa kamjooh ya kiwa seiñ khih dei yong ki hi.
Da ong u wa T. 40 klur da pynlait cha ki seiñ waphær waphær hapob ka Phase-I, ya kawa ye u yoh noh ki neini.
Chooh chooh da ong u wa lyngba ka CM’s Support for Producers Group, ka sorkar da yaleh ko wow e yarap da ka ram kawa khlem sut cha ki warep.
Da kyntu u leh ya ki warep wow kreh chirup kam ka seiñ wow yoh myntoi na ka sorkar.
Da ong u leh wa ha ka sngikha u (L) PA Sangma ha ka 1 Naikhynde daw pynman ya ka FOCUS Programme ha kylleiñ ka jylla, heiwa daw e yarap poisa cha ki seiñ Producers Group.
Chooh chooh da ong u kamwa 30,000 ngut ki warep u yoh myntoi ki na kani ka Scheme ha ki bnai wow wan.
