Ki kynthai ka jylla Manipur kiwa da em 40 snem chaneiñ ki wym e khih em khan næ ki wym em yoh iwon iwon i yarap na ki Social Welfare Scheme daw e yarap ka sorkar ki Rs. 6000 chi snem yow yarap ki u pyndap yeiwa emkaam wei yeini da pynbna da u Montri Rangbah ka jylla, u N Biren Singh.
Yeini da pynbna u kam chibynta ka Nupi Lan Day ha West Imphal yow kynmoo warom ya ki kynthai kiwa da chimbynta wow yaleh yow yoh yei laitlooid haka thma wa tip kam ka Second Nupi Lan (Women’s War).
U Biren Singh da ong u wa ka sorkar daw e ko Rs. 500 chi bnai cha kiwa yoh myntoi hapoh ka Chief Minister’s Ima Nongthangleima Yaipha Tengbang Scheme heiwa daw em kamwa 4 lak ngut ki kynthai kiwa da em 40 snem chaneiñ kiwa daw yoh myntoi.
Da pynche u leh wa da em boon ki Scheme wa da sdang da ka sorkar jylla tangwa ki kynthai kiwa 40 snem hadooh 60 snem ym em yoh myntoi ki wei lyngba kani ka Scheme wa thymme daw yoh ki Rs. 6000 chi snem.
Discussion about this post