Ynne ka sngi kam chibynta yong ka tayaw lehkmen Awaas Diwas ha Jatalong VEC, Bhoirymbong C&RD Block heiwa u montri wa pait ya ka chnat Community and Rural Development Department, u Hamletson Dohling da man u kam u kongsan hei emlang kiwa yoh myntoi na ka PMAY-G na ki 14 tylli ki VEC wa kiwa chong chnong kini ki chnong.
Kiwi kiwa da emlang ha kani ka lehkmen toh u Dasakhiat Lamare uwa man u MLA ka Mawhati Constituency uwa man leh u montri ka chnat Fisheries Department, PWD (Building); u Director ka C&RD Department and Mission Director State Rural Employment Society (SRES), ka Deputy Commissioner ka Ri-Bhoi, BDO Bhoirymbong wa kiwi kiwi.
U Hamletson kam u kongsan hawa e i klam da ong u wa ka sorkar jylla wa ka sorkar pyrdi pyntikna ki wow yoh yung PMAY-G ki paidbah deiwa e yarap T. 1.3 lak.
Da pyntip u leh wa waroh kiwa yoh myntoi ye ki wow yoh myntoi hadooh 95 sngi i kreh na ka MGNREGA wow chna ya i yung yong ki wa ka poisa wa T. 19,190 kam ka nongsngi.
Chooh chooh kiwi ki myntoi wa ye u yoh toh ki paikhana, i bordiñ wa kamjooh leh ka ram kawa duna sut na ki Bank.
U montri da kyntu u leh ya ki khlieh chnong wa kiwa yoh myntoi wow krehlang chirup heiyatoh wa kani ka programme nadooh i thap pyrtuid (Registration), i yoh myntoi khnang wa i kaam u man i iwa jop.
Ha kani ka sngi da wai leh ya kawi ka luti lai-kjat MGNREGA kawa T. 7.86 lak wei da lai pait leh ya ki yung wa da chna hapoh ka PMAY-G Scheme ha ka chnong.
