Ka sorkar Meghalaya kamwa da jooh leh katkam ki kyndon, u e yarap poisa (Ex-Gratia) ko mar Rs. 5 lak cha kiwa ha-yung kiwa chah tynyap ha Ichamati iwa da jia ha ka 27 tarik uni u bnai.
Neiliang u Chief Secretary, u DP Wahlang da pyntip u wa ya kani ka poisa u pynlait lyngba ka Sohra Civil Sub-Division.
Kam wow pynkynmoo wa ki arngut kiwa yap toh kiwa tip kam u Ishan Sing wa u Sujit Dutta heiwa yei metyap u Esan da chem na yaaw Ichamati katwa ya u Sujit da chem na Dalda iwa jngai kamwa 4 Km na Dalda wei ini da jia i hadien wa pynman ka KSU yei yakhih pyrchah CAA ha Ichamati.
Yei metyap kini da wanrah cha Shillong Civil Hospital yow leh Post-Mortem deiwa emlang kiwa ha-yung ha-sem ki.
Ya u Dutta da pyndep niam deiwa thang katwa ya u Sing won dei tlep ha Ichamati hi.
Kini ki ar ngut toh kiwa kreh mylla sngi deiwa thap moochuni ha ki Truck wei ini da jia ya ki heipor wa liwan ki.
U Dutta toh uwa em ar ngut ki khon kiwa 5 wa 4 snem wei ka kurim u kattæ toh kawa punkhon 3 bnai wei da chah tynyap u deiwa chah bom da ki moo. Da pyntip leh wa oo toh uwa da kha wei da heh da san ha Ichamati.
Uwi na kiwa emyatoh wa u Sing won da khana u wa da em kamwa 12-16 ngut ki bru kiwa da wan da le tylli ki kari kiwa da sdang wow dat bru hadooh wa poi cha ini wa jia heiwa kitu kiwa yoh u yut da rieh ki cha khloo katwa u Sing won da chah ksoh u.
Discussion about this post