U Hima ym em ong u wow mih noh na ka BJP: AL Hek

U heh ka BJP uwa man leh u MLA ka Pynthorumkhrah da ong u wa ym yoo u ya kiwon kiwon kiwa yahkhmat wa haphrang ki wow mih noh na ka Party, heiwa da ong u wa dang ynne ka sngi da chongke u wa u Himalaya Shangpliang, tangwa ym em pynsñiaw u wow mih noh na ka Party.

Kam wow kdaw heini wa ka khubor na ka NPP da pyntikna ko wa u Himalaya da pynsñiaw u yei mynsien wa kwah u wow psiah noh cha ka NPP neibynta wow yakhun ya ka Election cha Lok Sabha ka wow man ha u snem wow wan.

U Hima da psiah u cha ka BJP chwa ka Election MLA 2023, heiwa da rem noh u na Mawsynram Constituency, wei katni da thung ya oo kam uwa e buit ka chnat puræ puthi ka jylla.

Hawa klam ynne ka sngi u Hek uwa man leh u Montri ka sorkar jylla da ong u wa hanla em i kam wa u Hima thmu u wow yakhun ya ka Election MP na ka NPP, tangwa hadooh ynne ka BJP ymtip ko ya ini i kam.