Ka sorkar jylla ka Mizoram daw khang ko wow tympdung bomkala ha ka lehkmen Christmas wa New Year ha uni u snem.
Ka yalang wa pynman hapyrdi ki sahep sorkar wa ki seiñ niam hapoh i yahkhmat ka Chief Secretary, ka Renu Sharma da rai wow kyntu ya ki paidbah wymtoh u pynemkaam namo u dai ya ki bomkala ha kini ki por wow pyntikna wa khooid ka la’ær ha kani ka lehkmen.
Ha kani ka yalang leh da rai wow pynkhor kyndon bha yow lait u em kiwa dai kiad wa kiwi ki jait dih wa pynmuaid ha ki por lehkmen.
Heijooh i por ka Mizoram da pynkhreh ko wow pynphooh ya ka lehkmen Christmas wa New Year ha uni u snem.
Ynnin u snem leh ka Mizoram da khang ko wow pynemkaam bomkala, ki tiar wa pynemkaam wakhor wa kiwi kiwi wa kynthup ya ki Pistol bomkala ki khynnah kam ha ka Christmas wa New Year tangwa ym ye wow pynkrehkaam wei wow khang.
Da jooh khang ko leh wow pynemkaam bomkala ha ki lehkmen ya kiwi ki lehniam yong kiwi ki jait niam ha ka jylla.
Discussion about this post