U montri ka chnat i chait i khiah u AL Hek hapoh ka dorbar mang poisa ka Meghalaya Legislative Assembly ynne ka 16 tarik da pyntip u wa ynnin ka sngi ka 15 tarik da khut yalang wa jhan wa u montri ka chnat puræ puthi, ki Commissioner Secretary ka chnat i chait i khiah waka chnat puræ puthi, ki DC wow chong yaklam chaphang i poor u khñiang COVID-19 .
Da pyntip u wa ha kani ka yalang da chim yaka rai wa nadooh ka 17-03-20 u khang hadooh ka 31-03-20 ya waroh ki thaw puræ (Educational Institutions) hapoh ka jylla lait noh kiwa dang pynman Exam.
Waroh ki thaw yachem wei emlang ki paidbah kam ki Cinema Hall, Malls, Gymnasium, ki pynman Sport wa boon jait, ki Swimming Pool wa kiwi kiwi leh u man ki kiwa khang.
Ki Conference, Workshop, Meeting, Seminars, Trainings wa kiwi kiwi kiwa chimbynta da kiwa boon ngut toh u man ki kiwa kyrriah tarik noh namo kiwa pyndam noh.
Waroh ki lai cha baar ka jylla kamjooh kiwa psiah chapoh ka jylla kiwa ym toh kiwa emkaam bha, toh u yait ki.
I lai cha ki yaw ki haat wa em cha lait kamjooh hapoh yung wa ki thaw uiñke suwari toh u yait ki.
Da kyntu leh yaki paidbah wym toh u tia chajan ki bru manda em cha ki thaw piadbah kam ha ki thaw kreh wa ki thaw mane, u man kiwa leh khooid deiwa sait yaki kti.
Waroh ki tamasa kiwa da yoh bor u pynman toh u pyndam ki lane kyrriah tarik ki.
Ki Company lane ki Office kiwa hoi u kreh ki wakreh na yung toh u elaad ki yaki wakreh yong ki wow leh ya ini.
U Hek da pyntip u leh wa da leh ya ini deiwa bood yaki kyndon ka WHO waka PHEIC neibhah da yoo wa katwa dang pynslem u yada dang booh ko yei maa kamwa da jia cha kiwi ki ri.
Hadien ini da chim leh yaka rai wow pynkylla leh ya i pynlai ya i rukom pynlai yaka dorbar yow yaklam chwa chaphang u COVID-19.
Discussion about this post