Ka East Jaiñtia National Council (EJNC)-Central Executive Council, hadien wa i chem yong ka seiñ wa i chna yaki kharkhana thang mooyong (Coke Plant) da lai ki chakhmat ha kiwa boon ki chnong kiwa haap hapoh East Jaiñtia Hills District, kiwa kynthup ya ki kattu katni tylli ha Elaka Sutnga harood sarokbah ha Umtyra wa cha ka thaaiñ Bataw, hanla em i pyrchah neiliang ki paidbah wa ki seiñbhalang tangwa kini ki kreh ya kitai ki kharkhana dang lai ki chait chait chakhmat.
Hajrong kani ka yurim, ka EJNC lyngba kani ka kyrwoh na u Sambormi Lyngdoh, President EJNC – CEC, ka seiñ ka dawa ko naka yung krehkaam u Deputy Commissioner ka East Jaiñtia Hills wow pyn sangeh syndon yei chna ya kitai ki karkhana Coke, neibhah wa i em kitai ki karkhana ktah ko ya i chait i khiah kiwa chong chnong wa ki paidbah ki wym yoh myntoi iyi iyi leh na kini ki karkhana.
Ka EJNC ka Dawa ko leh wa toh u em ka Public Hearing chwa wow elaad ya kini ki karkhana hapoh ka District khnang wa ki paidbah u che ki hadien ka Public Hearing lada ki paidbah chong chnong yong ka District khamtam kitu ki chnong kiwa em marjan pdiang ki ya kini ki karkhana wei lada kamtæ neiliang ka seiñ leh ym pyrchah de ko tangwa katni hi ka seiñ pyrchah joor ko ya kitai ki karkhana.
Neiliang ka EJNC ka klam che ko wa lada ka yung krehkaam u DC ym chimkhia ko ya ini i dawa yong ka seiñ, neiliang ka seiñ daw pynbna noh ko daki yakhih paidbah hapoh East Jaiñtia Hills.
Discussion about this post