Uwa yahkhmat ka seiñ BJP ha Meghalaya u Ernest Mawrie da sñiaw u wow ong wa kam uwa yahkhmat yong ka Party, ym sñiaw yahaap yumut u yei rai ki 5 ngut ki MLA wa wan wow kyrchaan lang ya ka sorkar Meghalaya Democratic Alliance (MDA).
U Ernest da siat parchi u da i kyntien kawa da ong wa da kammon kammon leh u khla wa ka skai ym ya dih lang ki ha ka jooh ka por ya ka um kawa tooid na ka wah, wei hawa yatoh wa ini i pdiang yong ka sorkar MDA ya ki san ngut ki MLA ka seiñ Congress wow kyrchaan ya ka sorkar, u Ernest da ong u wa daw pyntip ya kani ka khubor cha kiwa yahkhmat ka seiñbei ha Delhi.
Hawa yaklam wa ki laad pathai khubor, kam uwa yahkhmat yong ka Party ha kani ka jylla, dap u dei sñiaw khyrngiat wow chem wei yoo ya ini i rai.
Da ong u leh wa daw lai yaklam wa u Conrad K Sangma hajrong ini i rai kawa da chim wow pdiang ya ini i tyrwa ki MLA ka Congress wow kyrchaan ya ka sorkar MDA katni.
