theme-sticky-logo-alt
theme-logo-alt

U kreh ka Khliehtyrshi yow pynpoi biang hei jop ya u MLA, ong u Waheh Chnong

U Waheh Chnong ka Khliehtyrshi, u Kitbok Rymbai ynne ka sngi hadien wa wai ya ka yung krehkaam ka Seiñ Kynthai ka chnong, hawa yaklam wa u Wyrta da ong u wa ha i por wa lai luti da sñiawkmen u wa da ye wow wai ya kani ka yung krehkaam khamtam nei yarap u Montri ka sorkar u Sniawbhalang Dhar.

Da khana u leh wa da yoh leh chiboon ki kaam pynroi nadooh ki sarok, ki yung skur wa ka umdih na i kreh chitom u Sniawbhalang Dhar wa u MLA ka Jowai u Wailadmiki Shylla.

U Kitbok da sñiawkmen u leh wa da yoh u sdang kreh noh wow kær kynroh noh kamjooh wow kreh neibynta ka pchem kani ka yung dorbar lyngba ka PWD (Jowai Division) ha u bnai nyngkong u snem thymme.

Da kyntu u leh wa kam ka chnong emkaam wow kyrchaan biang ya u Wailadmiki Shylla ha kani ka kynti katkam ki kreh wa da leh u neibynta ka chnong i wym ye de u su kylliang wei kam ka chnong u kreh ko yow pynpoi biang hei jop ya u MLA.

Share this:
Previous

Chi khoom ki kreh khana u Wailadmiki wa da wanrah du ha Khliehtyrshi

Next

Da ka Yakob Siat Khnam Pyllah pynman ka KKC Seinraij wa ka KNIKMS