Shillong: Hadein wa iachem ki kynhun u Ardent Basaiawmoit wa u Chief Minister Dr. Mukul Sangma ynne ka sngi ha i iatoh i krehkam ka Building Bye Laws Regulation hapoh ka Greater Shillong Master Plan Area, da rai ka sorkar u pynkreh ia kani ka aiñ duh ha ki thaw sor (Urban areas) kam wa da kdaw ha ka 2011 Census.
Ia kani da pyntip da u Additional Chief Secretary, K.S. Kropha. Ong u wa ka sorkar daw e ko ka jingpynche ha kani ka sngi wa ar ka 25 tarik. Ia kini ki Building Bye Laws neini cha khmat u pynkreh kaam duh ha ki thaw sor (Urban Areas). Ia ki thaw wa em cha palat na sor (Rural Areas) kani ka aiñ ym ye ko ki u ktah ia katte chwa. Ong u leh wa ia ki thain nongkyndong daw pyrchang ka sorkar u chna aiñ da kawi kawa iathoh wa ki.
Da pynkut u dei wa ong wa kani ka Building Bye Law kawa katni emkam ko boon ki kyndon wa ka sorkar hap peit ko deiwitawan, ha ijuh i por dang kwah hi ko ia kani ka aiñ u kreh kam ko ha waroh kawi ka jylla. Ia ka aiñ thymme ha iatoh wa kini waroh ka sorkar daw e lad chwa ko ia ki paidbah u peit wa u bichar bniah ki ka chwa u pynman aiñ ia ka neibhah i jingemkam kiwa ha sor wa ha nongkyndong toh iapher ki.
Ka kynhun wa iah u ma Ardent ynne ka sngi da emlang waki MDC, ki rangbah chnong wa ki dkhot ki NGO wapher wapher.
Discussion about this post