U Sambit Patra uwa man kam u National Spokesperson ka BJP da pynbna u wa katkam wa da phah da u National President ka BJP, u J.P. Nada, ka Party u kyrchaan ko ya waroh ar ki kyrtong ka NPP na Shillong wa Tura Parliamentary Seat.
Chooh chooh da ong u wa ka BJP u kyrchaan ko ya ki kyrtong ka NPF ha ka Outer Manipur Constituency wa ya u kyrtong ka NDPP ha Nagaland neibynta kani ka Lok Sabha Election 2024.
Kam wow pynkynmoo wa ka BJP Meghalaya da pyntip ko wa kiwa paan Ticket yaleh MP na Meghalaya da em ki 11 ngut wei da phah yei pyrtuid yong waroh cha ki heh ka Party ha Delhi yow chim yei rai.
Na Shillong Parliamentary Seat da em 5 ngut kiwa da kwah wow yakhun kiwa kynthup ya u MLA ka Pynthorumkhrah uwa man leh u Montri ka sorkar jylla, u AL Hek, kiwi won toh u President warim ka BJP, u Ernest Mawrie, ka Dr. Fenela L Nonglait, u President ka BJYM, u Mewaker Lyngdoh waka Sumitra Laloo.
Na Tura Parliamentary Constituency da em 6 ngut kiwa paan Ticket wa kynthup ya u Bernard Marak, u Boston Marak, ka Riya Sangma, u KC Boro, u Thomas Marak wa u Winnerson D Sangma.
Discussion about this post