U kyrchaan ka HSPDP ya uwon uwon wa jied ka UDP kam u President

Shillong: U heh ka Hills State People’s Democratic Party (HSPDP) uwa man leh u montri ha ka sorkar jylla, u Samlin Malngiang da ong u wa ka HSPDP sñiaw ko wa emkaam u man kiwa yaichah lada ka United Democratic Party (UDP) jied ko ya u President wa thymme.

Ka HSPDP wa ka UDP toh ki ar tylli ki seiñ saiñpyrthai ri-loom kiwa da yalok nadooh chwa ka Election hapoh ka kynhun Regional Democratic Alliance (RDA) wei jooh chim ki ya ka jooh ka rai ha kiwa boon ki liang.

Da ong u wa ka UDP wa ka HSPDP man ki kam chipayu wei i em yong ki ha kani ka sorkar, da pynskem chooh chooh ko ya ka sorkar, tangwa hajrong i jied ya u President wa thymme da ka UDP toh ka kaamram yong ki, tangwa neiliang ka HSPDP kawa emlang ha ka RDA kwah ko wow yaichah lang wa uwa yahkhmat wa thymme ka UDP khlem pait la man u namo ym man u uwa da pliah neibhah katkam wa man waroh pynar kiwa yahkhmat man ki kiwa dang thymme.

Ka RDA em ko 10 ngut ki MLA kiwa kynthup 8 ngut yong ka UDP wa 2 ngut ka HSPDP kiwa emlang ha kani ka sorkar Meghalaya Democratic Alliance (MDA) wa yahkhmat da ka NPP.