Ka Indian Space Research Organisation (ISRO) da pyntip ko wa waroh i jait toh iwa lai bait wei u Chandrayaan-3 daw sdang u wow hiar ha u Bnai heipor 5:45 i janmiet kani ka 23 tarik wei wei da andtaad wow poi u ha sla u Bnai heipor 6:04 i janmiet.
Yeini waroh ye leh wow pait ha YouTube deiwa lai ini i Link wei daw sdang u pynyoo kamwa jia namo Live nadooh 5:20 ka 23 tarik kamjooh ha ka Facebook Page ka ISRO wa ha ka Wesbsite ka ISRO.
I thaw wa da jied wow hiar toh ha South Pole u Bnai wei u Chandrayaan-3 toh uwa kit ya ka Lander wa u Rover iwa mut hapoh kani ka kari wa hiar namo ka Lander da em ka kawi ka kari (Rover) kawa daw mih napoh yow lai ko ha u Bnai yow pyndep ya kiwa boon ki kaam (Experiment) wa da dep u pynkhreh chwa.
Ha u Lander da pyndait ha kani ka kynti soo tylli ki Landing Thruster ki wow pynsuki yei rukom hiar wa soo tylli ki kjat wow yieñ ha u Bnai.
Ka Rover won toh kawa 6 tylli ki chaka kawa khia 26 Kg wei kawa ye u lai 500 Meter wei i kaam ko toh wow thooh lada em umthah ha u Bnai, iyi de wa em ha khyndaw u Bnai wa kiwi kiwi de.
Discussion about this post