U montri rangbah ka jylla, u Conrad Kongal Sangma da ong u wa ka sorkar u lai ko chakhmat yei rai wa da chim ha ka tayaw wa da dep da ka kynhun montri wow pynuiñ 95% ka Income Tax yong ki sahep ka All India Service Officers (AISO).
Hawa klam ynne ka sngi, u Conrad da ong u wa da yoh yei e yumut na u MLA ka BJP, u AL Hek tangwa da pynsñiaw wa da chim ya ini i rai deiwa lai leh katkam ka rukom krehkaam yong ka sorkar India iwa da e myntoi leh ya ki sahep yong ka jylla kiwa kreh cha baar.
Hawa yatoh wa kiwi ki sahep wa kreh ha ki yung krehkaam ka sorkar pyrdi, da ong u wa ini ym yahap lang heijooh, tangwa hap wow yaklam wa ki chnat wa kreh ki.
