I pynbait pood hapyrdi ka jylla Meghalaya waka Assam ha ka wat wa ar da lai bha ko chakhmat, heiwa ka Regional Committee wa pait ya ki bynta yong ka West Khasi Hills da yachem ki ya ka Regional Committee ka Kamrup District yong ka sorkar Assam ha ka yalang kawa da man ha Guwahati ynne ka sngi wa ar.
Hawa klam hadien ka yalang kawa da neh hadooh palat chi kynta, u Chairman ka Regional Committee na Meghalaya, u Paul Lynhdoh da pyntip u wa ka yalang da man ko kawa mihsoh heiwa da yatai kammon wow pynkut noh yei kajia pood khamtam wow pynbait noh ya u pood u ang ha Langpih.
Da khana wa ha ka yalang da rai wa ka sorkar Meghalaya daw phah ko yei pyrtuid yong ki chnong kiwa man yong ka Meghalaya cha ka sorkar Assam yow pyntikna wa ki toh kiwa chong chnong wa pura ka jylla.
Da khana leh wa kawi won ka rai toh yow e pyrtuid yong ki chnong kiwa yaknieh hapyrdi ki ar jylla wei neibynta kini daw yaklam biang hadien ka 15 tarik uni u bnai, wei da pyntip leh wa waroh ar ki Regional Committee daw lai ki cha Langpih yow yachem wa kiwa chong chnong katai ka thaaiñ.
Discussion about this post