U Montri ka chnat Puræ Puthi ka Meghalaya, u Rakkam A Sangma da pyntip u wa ka sorkar u lai ko chakhmat wow thung da kiwa sikai wa chipor (Contractual) ha ki skur Lower Primary ka sorkar katwa wym pu ye u thung da kiwa sikai wa pura.
Da pyntip u wa em 1002 tylli ki kreh wa lait wei ka sorkar u thung chwa ko ha kitu ki skur wym em kiwa sikai wei kiwa ye wow yaleh kreh toh du kiwa da pyndep ya ka MTET donhi.
I daw wa da leh yeini da ong u toh wa lada yang hadooh wow thung da kiwa sikai wa pura daw chimpor ware neibhah ki kyndon thung kreh toh kiwa boon wa hap wow pyndep khamtam nadooh wa pynkrehkaam ya ka Roster System.
Da ong u leh wa deiwa em ka Roster System daw hap wow kheiñ boon snem yow tip kammon u bhah kreh.
Da khana u leh wa kini kiwa sikai u thung kreh ya ki 59 sngi wei daw pynthymme ya ka Contract katkam wa emkaam.
