U lai kynreh ya ki dukan wa booh ya ki Plastic wa stang

U Deputy Commissioner ka West Jaiñtia Hills da pyntip paidbah u cha kiwa chong chnong ka District wa deiwa bood ya ka hukum ka High Court ka Meghalaya kawa da pynmih hapoh ka mukotduma PIL NO.7 of 2024, wa i chna, i pynlai yaaw ya ki Plastic wa stang hapoh 120 Microns i rben toh iwa da khang nadooh ka 01-01-25.

Da DC da pyntip u leh wa ka yung krehkaam ka Chief Executive Officer ka Jowai Municipal Board, u Inspector of Supply wa waroh ki Block Development Officer daw lai pynsñiawthooh paidbah ki wa da khang wow pynemkaam ya ki Plastic kiwa pynemkaam chisien donhi.

Katkam ka hukum, u District Magistrate daw pynkupbor u ya ki sahep sorkar wow lai kynreh ki ya ki dukan dukdoh yow pynsangeh noh yei pynemkaam ya ki Plastic wa stang hapoh waroh kawi ka District.

Kamtæ u Deputy Commissioner da khut u yei ya krehlang ki paidbah wow sangeh noh yei pynemkaam ya kini ki Plastic kiwa em hapoh 120 Microns i rben.

Related posts

Khut ka KSU Shangpung Unit ya kiwa lehbha hei puræ puthi wa ki Sports yow e khusnaam

January 11, 2025

Da chem sa iwi i metyap na krem mooyong wa chlai um ha Umrongso

January 11, 2025