ka Jaintia Students’ Union (JSU) Central Body wa ka Jaintia National Council (JNC) CEC deilang kiwa chong chnong ka Daistong, Elaka Nongkhlieh da pyntip ki wa daw lai toor ki cha ka Secretariat ha ka 18 tarik uni u bnai May neidaw wa lehbor ka Meghalaya State Pollution Control Board (MSPCB) wow pynman ya ka Public Hearing neibynta wow paan bor yow tih moochuni ka Shree Cement Ltd.
Da ong leh wa ini i thaw wa mut u pynman kam ka thaw tih moochuni toh iwa tip kam i Lum Syrman wei man i leh kam ka thaw rep wei da mantre da kiwa chong chnong wa boon wa em da ki spah ngut.
Ka JSU wa ka JNC da dap ki dei chrai yeini i leh ka Shree Cement neibhah kani ka Company da kheiñ bru kyndeh bha ko ya kini ki bru kiwa em hapoh ka Elaka Nongkhlieh wei da kheiñ thaw noh jhep ko ya ka Elaka Nongkhlieh kamjooh ya ka East Jaiñtia Hills District waroh kawi.
Ki ar seiñ da beiñ ki ya ka sorkar MDA-2 neibhah da yahbakla ko ya ki paidbah da ka Environment Impact Assessment (EIA) yong ka sorkar Gujarat u pynemkaam ha Meghalaya. Neibhah da tip che kamon rukom man ka suiñbeiñ ka mariang ha jylla Meghalaya wa ha Gujarat.
Da pynkynmoo leh iyi jia ha ka Public Hearing ini wadep yong kani ka Shree Cement hi heiwa da pynemkaam bakla ya ka aiñ deiwa kah ya u luti da ka Truck wei da pynemkaam leh da ki bru yow khanglaad yei yoh kiwi wow lai cha kani ka Public Hearing hadooh wa da man ko kam ka Private Hearing.
Discussion about this post