U pynlait biang ya ki kari ML04 wa ML11 na ka dan ka Toll Plaza | Da pyndam leh ya ka FIR

Ynne ka sngi hadien wa khang ya ka yung krehkaam ka Toll Plaza ha Pasyih da mih i yaklam hapyrdi u Manager ka Toll Plaza wa ki paidbah kamjooh wa kiwa kitkaam ka JNC-Western Zone, PSM, HYC wa ka seiñ kiwa kamai kari Saphai-Iooksi.

Ha ini i yaklam da rai wow sangeh noh wow khrong dan na ki kari wa em Number ML04 wa ML11 ha kani ka Toll Plaza.

Yeini da pynsakhiat dei klam na u Manager kani ka Toll Plaza uwa da ong leh wow pyndam noh ya ka FIR wa ujor pyrchah ya u President ka JNC- Western Zone, u Hamehi Bamon ha Phramer Traffic Cell.

Related posts

Dang du u Paul wow smai kam u Montri | Ya ki chnat wow ksoh u daw rai u CM

November 2, 2026

Baam smai u Paul Lyngdoh kam u Montri sorkar na ka NPP

November 2, 2026

Hawa klam hadien wa jop ya ka thong, u Hamehi da ong u wa ini i kaam yong ka Joint Action Committee da man iwa jop deiwa e khublei ya kiwa kitkaam ka seiñ, ka HYC, PSM, Meghalaya Indigenous Women, ka seiñ ki kari kamai Saphai-Iooksi, Mowkaiaw-Sahsniang kamjooh ya ki paidbah na Pasyih, u MDC, u Rikut Pareiñ, u Nehemaiah Tyngkan wa kiwi.

Neiliang u President ka Iooksi Saphai Commercial Association, u Kularskem Sariang da ong u wa ynne man ko ka sngi wow sahkynmoo ya kiwa kamai kari (Tourist) deiwa e khublei ya ka seiñ JNC, HYC, PSM wa kiwi ki seiñbhalang.