Hawa yoh u Wyrta wow yaklam wa u Waheh Chnong ka Khliehtyrshi u Kitbok Rymbai hadien ka yalang wai ya ka yung krehkaam ka Seiñ Kynthai ka chnong ha ka 27 tarik, da kylli ya oo heiyatoh wa i sñiaw yong oo hadien wa u payu yong oo uwa jooh man leh u CEM warim ka JHADC u Madonbai Rymbai da pynbna u yei lai kyrchaan ya u kyrtong MLA ka TMC na Jowai, u Andrew Shullai.
Neiliang u Kitbok da ong u wa heiyatoh wa ini neiliang yong ki kam kiwa kitkaam chnong ymye ki wow ong iwon iwon tangwa kam u bru samen ye u wow e kyrchaan ya uwon uwon u kyrtong wei daw em bait kiwa lai cheitu wa cheitu.
Da ong u leh wa ini i lai e kyrchaan u Madonbai da pycnche u wa toh kam u bru samen donhi katkam wa chem wa i sñiawthooh yong oo wei kam ka chnong leh burom ki ya oo ya ki kaam wa da leh u ya ka chnong nachwa.
Tangwa kam kiwa kitkaam ka chnong hi emkaam ki wow pait ya kiwi ki kaam wa sahteñ kamtæ emkaam hi wow kyrchaan ya u Wailadmiki uwa man u MLA ka thaaiñ khnang wow man ko ka chnong wow yoh ko ya i roi i paar ha kiwa boon ka liang.
U Kitbok da pynkynmoo u leh wa u Madonbai da klam u ya kini ki kyntien wa lai kyrchaan u ya u Andrew kam u bru samen wei kam kiwa kitkaam ka chnong hi da pynsñiawthooh ya ki paidbah wow kyrchaan biang ya u MLA wa katni khnang wow yoh biang ya ki kaam pynroi hapoh ka chnong ka thaw.
Puræ leh: Lada ym yoh u yaleh MLA, u kyrchaan u Madonbai Rymbai ya u Andrew Shullai
