Shillong: U Pynshngain N Syiem hadien wa da ieh noh u yei kaam kam u MLA ka Mawsynram hawa yaklam wa kiwa pathai khubor da ong u da leh u yeini toh katkam ki kyndon wa ki aiñ yong ka Meghalaya Legislative Assembly.
Da ong u wa kiwon kiwon ki MLA ye u u ieh noh yei kaam lada kwah ki.
“Lada em iwon iwon i daw wa resign O, neiliang u Lamphang daw takit u yeini chwa wow pdiang yeini, katwa ha kani ka kynti won ym em iwon iwon leh i daw,” da ong u Syiem.
Da ong u leh wa oo daw psiah u cha ka People’s Democratic Party (PDF) ha ka 19 tarik uni u bnai ha madan Polo.
Hei yatoh wa i daw wa slem u wow Resign, da ong u wa da thmu u wow leh yeini nadooh u Naiynñiaw tangwa kam u MLA em chiboon i kaamram iwa oo haap bahkhlieh u kam uwa mihkhmat wei ki MLA Scheme waroh da saam ya ki cha ki paidbah ka Constituency.
Hei yatoh won wa i kaamram yong oo hadien wa psiah u cha ka PDF da ong u wa ka Working Committee daw chong pyrkhat ko ya ka kaam kawa daw e ko ha oo.
Da pynksan u yeiwa da jooh klam u heiwa da ong u wa ka jylla em ko chiboon kiwa ye ko u leh nadooh ki kaam uiñke suwari, bordiñ wa kiwi kiwi wei wow pynku ya ki emkaam u chna ya ki Policy.
Chooh chooh da pyntip u wa oo daw mih noh u na ka Congress ha kini ki sngi wow wan wei oo daw ksoh u yei kaam MDC hadooh wa da kut i por yong oo.
Khaddooh da ong u wa ka aiñ ‘Anti Defection Law’ ym em u krehkaam ko ha ki District Council katwa kamtæ u ksoh bait u yei kyrdan kam u CEM ka KHADC wei u man bait u kam u MDC neibhah wa da jied ya oo da ki paidbah ka Constituency.
Discussion about this post