U khloor yalehke Badminton ka Jaiñtia Hills uwa tip kam u Mebankerlang Shullai uwa sah ha Chutwakhu, Jowai da man u uwa nyngkong dooh na Jaiñtia Hills wow man kam u Qualified Badminton Coach deiwa pyndep u ya le tylli ki Course wei da chah jied syndon u leh wow man kam u Coach ka Meghalaya Badminton State Team ha kani ka Khelo India Youth Games wa daw man ha Bhagalpur, Bihar nadooh ka 4 hadooh ka 15 tarik uni u bnai.
U Mebankerlang da pyndep u ya ka NSNIS Six Week Certificate Course in Sports Coaching ha u December 2023-January 2024 wa da pynman ha Bangalore, Karnataka.
Da pyndep u leh ya ka Coaches Development Program (Grassroots) yow man kam u Grade A Coach kawa da pynman nadooh ka 8 hadooh ka 18 tarik u March ha National Centre of Excellence Guwahati.
Ini wa dep da pyndep won u sa ka Badminton Association of India (BAI) Level 1 Coaches Course wa da pynman ha National Centre of Excellence Guwahati kawa da pynman ha u bnai Feb-March 2025, wei da ini da man u kam uwa da biang namo uwa da Qualified wow man kam u Badminton Association of India Level 1 Coach.
U Mebankerlang kattæ man u leh kam u State Badminton Champion ha ka Open to all Men’s Single kawa dadep jop u ha u snem 2022, 2023 wa ha u 2024.
Discussion about this post