Ka Dorbar Chnong Pamra Kmai, East Jaiñtia Hills da beiñ joor wei da sñiawkhia ko hajrong i chah thombor u waheh chnong yong ka iwa da jia heipor chiteiñ synyaaw ynne heipor kamwa 12:30 ha Tuber Kmaishnong ha kti ki bru wym ye u tipmit.
Katkam wa da pyntip, kini ki bru toh kiwa da kah dur khmat wei da rah ki da u moo heiwa da dat da tympiah ki ya ka kari wa yah da u waheh chnong katwa dang thmu u lai liwan cha yung, tangwa da yoh won u yut na ini i thaw wa jia ya oo wei da lait na iyi iyi i maa i mynsoo.
Kamtæ hajrong ini wa jia, ka Dorbar Chnong Pamra Kmai dap ko dei chrai wei da beiñ joor ko yeini i leh kini ki bru khloo ki bru chim kabu.
Da kyrpaad leh ya ki bor yong ka aiñ u leh i deiwa khor ya kam kini ki bru yow lait u jia biang neini chakhmat.
Discussion about this post