Shillong: U Dr. Mukul Sangma uwa man uwa yahkhmat ka liang pyrchah ka Meghalaya Assembly, da ong u wa lada em kiwa ye u pynsakhiat wa u mooyong wa da dep tih dang em u kamwa da dep e yukheiñ cha ka National Green Tribunal (NGT), kawa 32 lak Metric Ton u ieh noh u syndon ya ka kaam saiñ pyrthai (Politics).
Da khyrwait u ya ka sorkar kawa da kam wa pynlai ya u mooyong wa du 34,000 MT u wym em wa kamtre, deiwa ong wa ini toh du i buit wow yoh chalan pyrchah yaka aiñ ya u mooyong wei i sakhiat toh wa ym em ki Truck kiwa kit du 9 Ton, wei ini da che wa em i baam tooh wa joor ya ka poisa wa toh u lai cha ka jylla. Da ong wa ini leh yong ka sorkar toh wow pyndooh syndon leh ya ki Autonomous District Council, kiwa katni kiwa em hei duna poisa wei ki wym yoh ya i bhah na ki mar pohkhyndaw.
U Dr. Mukul da ong u wa i leh tooh toh na waroh ki chnat sorkar, neibhah ini da mih nei kyrriah kaam khah khah ya ki sahep sorkar. Da maham u leh ya ki sahep kiwa da kylla dalal yong ki Politician kiwa baamtooh ha ki kam buittooh yow yoh ki yaka bainong.
