U National Vice President ka National People’s Party (NPP), u Prestone Tynsong da ong u wa da em i kynja pynbait wa u Mukul u mih noh u na ka Trinamool Congress (TMC) wei wow lai psiah noh cha ka Bharatiya Janata Party (BJP) hadien ka Election.
Ini i klam u Prestone toh wow jubab yei pynbaad u Dr. Mukul Sangma wa ka NPP toh ka ‘Team B’ yong ka BJP. Da ong u wa ini i pynbaad u Mukul toh iwa bakla.
Chooh chooh da ong u wa u Dr. Mukul lada u jop 3,4 lane 5 ngut leh daw lai psiah u cha ka BJP hadien ka Election.
Hawa kylli, u Prestone uwa man leh u Symbood Montri Rangbah ka jylla da ong u wa ki paidbah ym toh u chaniah ki ya u Dr. Mukul neibhah wym tip cheiwon em kawi ka kjat katwa kawi won lai ko cha iwi i liang, wei ym ye tip wa daw kynthiar u cheiwon.
Da ong u wa ka Team yong u Dr. Mukul Sangma hadien wa da dep ka Election ye ko wow lai cha kawon kawon ka thaw.
