theme-sticky-logo-alt
theme-logo-alt
Advertisement ad1

U Mukul kopsar da kwah u wow yaleh Election na Assam: Prestone

Advertisement ad1

U Symbood Montri Rangbah ka jylla, u Prestone Tynsong da beiñ u ya uwa yahkhmat ka All India Trinamool Congress (AITC), u Mukul Sangma yei dawa yong oo wow pyndam noh ya ka soskular Memorandum of Understanding (MoU) wa da soi hapyrdi ka Meghalaya waka Assam yow pynbait noh ya u pood.

U Prestone da ong u wa u Mukul uwa da lai pynman yakhih hakhmat ka Parliament da yoo la kamwa da kwah u wow yaleh Election na Assam ym toh de na Meghalaya, wei yeini da ong u ha ka yalang wow wai ya ka yung krehkaam ka NPP ha Nongmali hapoh ka North Shillong Constituency heiwa u Ransom Sutnga da man u kam u kyrtong ka NPP na kani ka Constituency.

U Prestone da ong u wa oo kam u Chairman ka Regional Committee ka Ri-Bhoi District da dooh thiah u wei ym em wa tip yeini tangwa da pynbaad ki ya u Conrad Sangma wa dai yei thaw cha ka Assam.

Da ong u leh wa lada ym pynbait yow pood katni, ka juk wow wan daw em ko hei maa deiwa pynrap wa i yoh nong wei dooh nong daw em i tangwa i myntoi em i chiboon u yoh na kani ka soskular lym kamtæ ka jylla daw dooh thaw ko hadooh Byrnihat.

“Kamtæ nga ong O wa u Mukul Sangma kopsar ym em kwah u wow embynta waka Meghalaya. Nga yoo O wa kwah u wow man kam uwa yahkhmat ka Assam,” da ong u Prestone.

Chooh chooh da ong u wa em ki bru wa pyrkhat yei yong ki donhi samen kiwa sah ha khappood ki wym kwah de wow pynbait ya u pood neidaw wa yoh myntoi ki na waroh ar tylli ki jylla.

Heiyatoh won wa i pynbait ya u pood neibynta ki 6 tylli ki thaw wa dang sah, u Prestone da ong u wa da kwah u wow sdang noh wei chong i hei ya sñiawthooh ki Montri Rangbah ki ar jylla tangwa daw eh u ong neidaw wa ka Meghalaya da jan poi cha i por wow yaleh Election noh.

“Ini toh i thong wei kam ka Party kwah i wow pynbait noh yeini i kaam chisyndon,” da ong u Prestone.

Heiyatoh wa ka Them Metor, u Prestone da ong u wa ka sorkar da yieñ skem ko wow kyrriah noh ya kiwa sah heini.

Da ong u leh wa ka Them Iewmawlong em ko hapoh ka North Shillong Constituency wei kani ka sorkar u kyrriah ko ya kini ki bru neibhah ym em pyrkhat ko ya ka Vote Bank deiwa pynrap wa neidaw wa leh ka Vote Bank Politics da ieh yeini khlem da leh iyi iyi la 50 snem.

Puræ leh: Pyman yakhih ka AITC hakhmat ka Parliament yow pyndam ya ka soskular pynbait pood wei wow tipmit noh ya ka ktien Khasi wa Garo

Advertisement ad1
Share this:
Previous

T. 1 lak e yarap u Wailadmiki Shylla cha ka Jaintia Career Coaching Centre

Next

Kyntait u Prestone wa chah pyndik ki dkhot ka BJP