Shillong: Hei yatoh wa i klam u Nalin Kohli hajrong ka Railway Project ha ri Khasi, ka Khasi Students’ Union (KSU) kwah ko wow pynche wa uni u bru ym sñiawthooh u yei psiah ki baar jylla chapoh ka Meghalaya.
Wei da klam tangdep donhi u khlem sñiawthooh yei sakhiat. Kamtæ ka seiñ kwah ko wow pyntip cha uni u bru wa emkaam ya ki aiñ wa khlan yow pait yei tooid ki baar jylla chwa wow elaad wow wan ka luti rel.
Ka seiñ leh da ong ko wa ka jylla Meghalaya emkaam ko ki aiñ wow yada jaitbru kam ka jylla Nagaland wa ka Mizoram.
Sa iwi leh kiwa yah khmat ka BJP toh ka wym tip iyi iyi leh chaphang ka jait bru wei lada kiwi ki jait bru em hok ki wow yada yei hok yong ki iyi yaphær wa leh ka KSU.
Neini i daw da ong wa lada u Nalin Kohli em skhiat u i kitkhlieh neibynta kiwa khian paaid toh u wan wan yooh kjat u man ka sngi cheini yow sñiawthooh u yei eh i khoo kiwa khian paaid yow sñiawthooh u wa hadooh katwon tylli ki jylla hapoh ka ri India kiwa da chah yooh ha ki baar jylla.
Discussion about this post