Jowai: Ki dkhot ka Narpuh Border Area Joint Action Committee (NBAJAC) ynne ka sngi da lai yachem ki ya u montri rangbah ka jylla u Conrad Sangma hadien wa da slem i paan bor ki wow yachem wa oo wow yaklam wow pynneh ya ka C&RD Block ha Lumshong yow yoh myntoi ki paidbah wa im ha ka thaaiñ khappood ka Narpuh.
Da pynsñiaw ki hakhmat u Conrad wa lada rah ya kani ka C&RD Block cha Wapung neidaw wa jngai ko kamwa 110 Km wow lai na Malidor cha Wapung da ktah joor ko ya ki paidbah.
U Conrad da ong u wa ym pu ye u chim ya ka rai hajrong kani ka C&RD Block wei da rai wow booh chwa ha Khliehriat yow lait u mih ka awri awra hapyrdi kini ki ar liang.
Neiliang ka NBAJAC da kyrpaad ko ya u Conrad wow booh ya ki Block ha pyn-ar thaw ha Lumshnong wa ha Wapung khnang wow yoh ya ka roi ka paar ha kini ki ar thaw tangwa neiliang yong oo da ong u wa ym pu nood u wow e iwon iwon i kular neibhah ka sorkar kattæ duna poisa ko.
Tangwa neiliang ka Committee da ong ko hakhmat u Conrad wa da mylliñ ya kani ka thaaiñ neidaw wa ym em bru NPP haka sorkar yong oo deiwa e nongmuna ya ka Ranikor kawa da yoh Civil Sub-Division hapoh 10 sngi wei ya ka Sohra ye wow e District ya ka ha u snem wow wan wei da man ko ka kaam wa arsap neiliang u Conrad.
Kamtæ neiliang ka NBAJAC daw chong pyrkhat ko ya ini waroh wei da rai leh wow pynman ya ka yakhih heipor wa pynman dorbar ka sorkar jylla ha Rilbong, Shillong neibhah wym sñiawhun ko yeini wa leh ka sorkar wei daw lai leh cha ka Meghalaya High Court heiyatoh wa ini i kaam.
Discussion about this post