U Banteidor Lyngdoh uwa man u MLA ka Mawkynrew da ong u wa daw yakhun bait na ka seiñ People’s Democratic Front (PDF) ya ka Election MLA ha u snem 2023, neibhah wa toh ka seiñ wa oo maya u, kawa da pynjop ya oo wei da yoh u leh wow ksoh kam u Montri ha ka sorkar.
Ka PDF da jop ko 4 ngut ki MLA ha ka Election 2018, tangwa neiliang u Banteidor uwa man u President ka Party da pyntikna du oo wa u Gavin Mylliem uwa man u MLA ka Sohra wow dang yakhun na ka PDF.
Hawa yatoh wa ki ar ngut ki MLA wa mut wow psiah noh cha ka NPP, kitæ u MLA na Mylliem, u Hamletson Dohling wa u MLA ka Umsning, u Jason S Mawlong, neiliang u Banteidor da ong u wa hadooh katni ym pu em yoh ktien iyi iyi lada dang neh næ u mih noh ki na ka Party.
Hawa kylli, da khana u wa ka PDF daw sai kyrtong ko kamwa 15-20 ngut ha ka Election wow wan, wei na East Khasi Hills da boon ki kyrtong wa da dep u rai.
