Ynne ka sngi hawa yaklam wa kiwa pathai khubor, neiliang u Montri ka sorkar jylla uwa man leh u MLA na Khliehriat, u Kyrmen Shylla da ong u wa katkam wa yoh yutip katni da em hadooh 5 ngut ki kyrtong ki wow yakhun ya ka Election MLA ha uni u 2023 wei ym em kheiñstiñ u ya ki.
Heiyatoh wa i wan biang u MLA warim, u Nehlang Lyngdoh wow yakhun biang ya kani ka Election, neiliang u Kyrmen da ong u wa u Nehlang da man u bru wa chemphang wei da jooh kyrchaan u ya oo wei da man u leh kam u pa wa yah luti ha ka Election 2018 chirup wa ki ar ngut ki MLA wa da khlaad.
Chooh chooh da ong u wa sñiawkmen u wow tip wa u Nehlang u yakhun u ha kani ka kynti deiwa kyrmen leh wow yoh u yei chait i khiah wei oo (Kyrmen) won u man u uwa jop neibhah u Nehlang uwa man kam u pa wei kam u pa ym jooh rap kwah ki wow rem ki khon.
Heiyatoh wa i wan u Justine Dkhar wow kyrchaan ya u Kyrmen, neiliang u Kyrmen da ong u wa ha ka Election wa dadep ka yakhun da man ko kawa khor wei deiwa kyrkhu u Blai da ye wow jop. Chooh chooh da ong u wa lada jop kat kiwa em leh ka thong hi toh u man ko wow chakri ya ki paidbah.
Heijooh i por da ong u wa i wan kyrchaan u Justine da e mynsien bha i ya ki paidbah wei ini man iwa miat bha ya waroh.
