Uwa yahkhmat ka United Democratic Party (UDP) uwa man leh u Montri ka sorkar, u Paul Lyngdoh da ong u wa lada yaklam hajrong i chemphang hei kaam, u President ka Voice of the People Party (VPP), uwa man leh u MLA uwa jooh man leh u President ka HSPDP wa uwa jooh yahkhmat ka UDP wei hajrong ini da kylli u wa kammon u ong ki wym chemphang ki hei kaam.
Hawa kylli yeini ynne ka sngi, u Paul d ong u wa ki MDC toh u em ki kattu katni i chemphang hei kaam paidbah, neibhah ymtoh wa da chah taan ki ha ki bru na dukan ja dukan cha wa na rood sarok yow lai noh ki ha District Council wei wow dai sarom ya ki paidbah wa jied ki.
Da ong chooh chooh wa ym em wa ye wow e daw wym pu em chemphang bha yei kaam weiwa dang pyrchang.
Ini i klam u Paul toh hawa kylli hajrong i kam u Executive Member ka KHADC, uwa man u MDC yong ka Voice of the People Party (VPP), u Seiborlang Warbah wa ym pu em chemphang bha yei kaam neidaw wa dang thymme.
Hawa kynthah chooh chooh, u Paul da ong u wa ini i klam toh ka wym ye u pdiang wow dang pyrchang weiwa dang sdang, neibhah chisien wa da chah jied ha ki paidbah da psiah ha kani ka kaam deiwa yooluti wow yahkhmat, wow tip ya ki aiñ ki kyndon yong ka Council wei da toh wow puræ ya ka Sixth Schedule wa kiwi ki aiñ.
U Paul da pynsñiaw u leh yei sñiaw lyngngoh wa ka kaam kawa khian dapoi ko cha High Court, iwa da kylli leh ya ka hukum wa ka EC da pynmih ko ka wym em man katkam ka aiñ.
Hawa yatoh won wa i booh khyrdop ha ki National Highway, u Paul da ong u wa chisien wa da em ka Toll Gate yong ka NHAI kawa chna ya u sarok, kiyi won ki bor wa e laad ya kiwi won wow khrong dan na u sarok wa da chna da kiwi.
Discussion about this post