15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

U President ka UDP toh u wym hoi u krehkaam: Remington Pyngrope

0 Comments
Advertisement ad1

Shillong: U MLA warim ka UDP na Mawkynrew uwa da ieh kaam noh ynne ka sngi u Remington Pyngrope da beiñ joor u ya u President ka United Democratic Party (UDP), u Dr. Donkupar Roy deiwa ong wa man u u wymhoi kam uwa yahkhmat ka party neibhah wa da yoo u yeini heipor wa man Montri Rangbah u Dr. Don.

Da pynbaad u wa heipor wa man u kam u Montri Rangbah u Dr. Don, da pyndooh lut u ya ki scheme khamtam na ka tnat Public Works Department (PWD).

Hawa klam wa kiwa pathai khubor hadien wa ieh kaam u ynne ka sngi, u Remington da ong u wa i krehlang ka UDP wa ka HSPDP wow pynyakhun paralok ha Mawkynrew toh i wym burom de ya oo kam u MLA wa da jied ki paidbah.

Chooh chooh da ong u wa i rai wow psiah cha ka NPP toh neidaw wa yoo u wa ka NPP daw synchaar ko ha u 2018 ha ka jylla wei wa ym kwah u wow man kam u MLA wow chong du ha Yung Dorbar tangwa wow chong noh ha Secretariat.

Advertisement ad1
Share this:
Previous

Heijooh i por ieh kaam ki 8 ngut ki MLA ka jylla

Next

Yoh Deputy CEM wa thymme ka JHADC