U MLA warim ka Mawsynram, u Himalaya Muktan Shangpliang uwa da ieh noh yei man dkhot hapoh ka BJP, da pyntip u wa ha ka 13 tarik uni u bnai u psiah noh u cha ka NPP deilang wa kiwa kyrchaan ya oo na Mawsynram. Da ong u wa i psiah yong oo cha ka NPP u man ko khlem iwon iwon i kyndon wei ymtoh leh i thmu wow yakhun Election MP cha Lok Sabha.
Hawa klam wa kiwa thoh khubor ynne ka sngi, da ong u wa i psiah cha ka NPP toh hadien wa da yoo ya ki kaam yong u Conrad Sangma uwa man leh u National President ka NPP kamjooh u Montri Rangbah, neibhah ha ki 5 snem wa da dep u Conrad da leh u boon ki kaam pynroi kiwa da pynkylla dur ya ka jylla.
Hawa kylli, da ong u i psiah cha ka NPP toh khlem iwon iwon i booh kyndon wei ym em yaklam u leh iyi iyi neibynta wow yakhun MP wei da pynrap u wa manda man u kam u dkhot ka NPP daw kreh u katkam wa phah yong kiwa em haneiñ ka Party.
Ha iwi i liang u Hima da khana u wa ynnin ka sngi ka 6 tarik da em palat 2000 ngut kiwa keh BJP Mawsynram Mondal kiwa da ieh noh yei man dkhot hapoh ka BJP, wei kini kiwa yahkhmat leh daw psiah ki cha ka NPP ha ka 12 tarik uni u bnai.
Discussion about this post