15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U pteiñ biang ka Night Curfew ha East Khasi Hills hadooh ka 7 tarik u Naikhynde

Advertisement ad1
Advertisement ad1
Advertisement ad1

Shillong: Kam chibynta wow yada naka khlam COVID-19 hapoh ka jylla, ka ri kamjooh hapoh ka pyrthai, yow ye leh wow pyndooh ya kani ka khlam, yow ye u leh yaka Contact Tracing, Testing, Quarantine wa kiwi kiwa emkaam. Ka District Magistrate, East Khasi Hills District da pynmih hukum ko haka 29th August, 2020 hapoh Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 da pynkrehkaam yaka Night Curfew ha East Khasi Hills District nadooh ka 31st August, 2020 hadooh ka 7th (Naikhynde) September 2020, neibynta i por 09:00 PM hadooh 5:00 AM man-ka-sngi.

Ka District Magistrate da pyntip ko wa kani ka hukum ym krehkaam ko yaki chipai, ki wakreh hei chait i khiah kiwa leh yei kaam yong ki, ki Wholesale wa Retail Pharmacy, ki pulit, Fire & Emergency Service, MeECL, NEEPCO wa Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, ki laad pathai khubor, ki Petrol Pump wa kynthup yaka Indian Oil Corporation, ki thaw sumaar kam ki Hospital, Clinic, Dispensary, Veterinary Clinics, Labs, Online/Home Food Delivery. Ya kiwa leh yaka Home Delivery (Food) u chah u krehkaam ki hadooh 10:00 PM. Ki thaw chna kari wa kiwa dai kari (Spare Parts) ka Health & Family Welfare Department, ki wakreh sorkar kiwa leh yei kaam yong ki wa ki wakreh ki Corona Care Centre, Information & Public Relations Department waka National Highway & Infrastructure Development Corporation Ltd (NHIDCL).

Kini waroh hap ki wow bood thij yaki kyndon sorkar kam yaka Social Distancing, i pynduna yaki bru wakreh yong ki wa kiwi de ki kyndon wa da pynmih daka Health and Family Welfare Department, khlem pep.

Chah hi yei lai i wan ki kari wa kit yaki mar wa emkaam, kiwa kit chipai, ki tiar sumaar sukher, ki thaw chna kari leh toh kiwa lait na kani ka hukum. Kiwa yah kari wa kiwa yarap yaki hap ki wow leh yaka Medical Screening katkam ki kyndon.

I pynlait yaki bru sorkar kamjooh kiwi kiwa em ha ki kaam wa jhan (Emergency & Essential Services) ym toh hadooh ki thaw wa da pynbna kam ki Containment Area.

Yaki Curfew Pass neibynta i por 09:00 PM hadooh 5:00 AM nadooh ka 31st August, 2020 hadooh 7th August, 2020 ye wow yoh lyngba ka Online Application ha www.eastkhasihills.gov.in.

Share this:
Previous

Ha u Loom Tiniang da pynbam smai ya ki dkhot ka HYC Laskeiñ Block Circle

Next

I rukom pynbait wai ki dukan ha sor Shillong