15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

U pteiñ biang ka Night Curfew ha West Jaiñtia Hills

Advertisement ad1
Advertisement ad1
Advertisement ad1

Jowai: U District Magistrate, West Jaiñtia Hills District, Jowai da pynmih hukum u ynne ka sngi yow pteiñ biang ka Night Curfew hapoh ka District nadooh ka 6 tarik uni u bnai hadooh wa pynmih hukum da kamwi man-ka-sngi nadooh 10:00 waje i miet hadooh 5:00 waje i step.

Yaka hukum da pynmih yow pyntikna wa ki laad yada, ki wow khanglaad yei poor ka khlaam COVID-19 da ye u pynkrehkaam ki yow ye u kdoh u khoom yaka khlam hapoh West Jaiñtia Hills District deiwa leh ya ki Test, Quarantine kamjooh yow bood yaki kyndon wa da pynmih daka sorkar Meghalaya.

Kani ka hukum ym krehkaam ko ya ki bru chipai, kiwa em ha ki kaam sumaar sukhær kiwa leh yei kaam yong ki, ki Wholesale wa Retail Pharmacy, ki pulit, ki Fire & Emergency Service, MeECL, NEEPCO & Power Grid, Food and Civil Supply Department, FCI, Public Works Department (PWD), Public Health Engineering (PHE) Department, Jowai Municipal Board, Postal Service, Telecom, Communications & IT Services, Press, Print & Electronic Media wa ki Petrol Pump. Kiwa leh yaka Online Food Delivery ye ki wow leh yei kaam yong ki hadooh 10 waje i miet.

Da pynlait leh ya ki thaw sumaar kam ki Hospital, Clinic, Dispensary, Veterinary Clinic wa ki Labs. Ki karkhana chna kari kiwa da yoh bor, kiwa dai ya ki Spare Parts neibynta ka Health and Family Welfare Department, ki sahep sorkar wa leh yei kaam yong ki, ki wakreh ha ki Corona Care Center, ka Information and Public Relations Department waka National Highway and Infrastructure Development Corporation Limited (NHIDCL).

Ym em khang leh yei lai i wan ki kari wa kit mar wa emkaam, kiwa kit yaki bru chipai, ki dawai, ki tiar sumaar wa ki thaw chna Truck kiwa em ha ki Highway. Tangwa kiwa yah kari wa kiwa yarap ya ki hap ki wow leh yaka Medical Screening katkam ki kyndon wa da booh.

Ya ki Curfew Passes neibynta i por 10:00 waje i miet hadooh 5:00 waje i step nadooh ka 6 tarik uni u bnai ye wow yoh lyngba ka Online Application ha www.megedistrict.gov.in lane www.westjaintiahills.gov.in.

Share this:
Previous

Daw pynman biang sa chisien yei pyndur e dawai yada COVID-19 hapoh ka ri

Next

Mynstep u lai Delhi u President ka BJP yow yaklam ya ka ILP