Hadien wa u montri rangbahdooh ka ri, u Narendra Modi da pynbna u wa da pteiñ ya ka PM-Garib Kalyan Anna Yojana (PMGKAY) hadooh u Khonchonglad (November) uni u snem, neiliang u symbood montri rangbah ka jylla u Prestone Tynsong da pynsñiaw u yei sñiawngooh deiwa pynbna leh wa ya u khoo rachon mynkna hapoh ka jylla u yoh hadooh u Khonchonglad uni u snem.
U Prestone da pyntip u leh wa nalor u khoo u pteiñ leh wow e lang wa u dai.
Da pyntip chooh chooh u wa kiwa da dep yoh myntoi na ini da em ki 29 lak tam hapoh ka jylla kiwa kynthup ya u khoo rachon AAY, PHH kiwa haap hapoh ka NFSA wa kamjooh kiwa haap hapoh ka NoN-NFSA.
Kiwa em hapoh ka NFSA da yoh ki 5 kilo u khoo wa mynkna chi bnai kiwa em 21,49,395 ngut. Kiwa em hapoh ka Non-NFSA kiwa yoh myntoi em ki 7,60,000 ngut kiwa yoh ya u khoo wa 17 kilo chi bnai heidor T. 12.50 hadooh T. 14 chi kilo.
