U pyllait u Mukul ya ka Ampati, daw pynyeiñ da ka khon heithaw yong oo

by Wyrta Staff

March 9, 2018

Reading Time: 1 min read

Jowai: U Dr. Mukul Sangma uwa jop na ki artylli ki Constituency ka Ampati waka Songsak ha kani ka Election MLA, da hap u pyllait ya ka wi ka Constituency katkam ka aiñ.

Da em ka khubor wa ong wa ye u pyllait noh ya ka Ampati Constituency wei u pynyeiñ u da ka khon kynthai yong oo ka Miani D Shira kam ka kyrtong Congress.

Ha Ampati u Dr. Mukul ha kani ka Election da pynrem u ya u kyrtong ka BJP u Baku Chandra Hajong da 8104 Vote katwa ha Songsak won da pynrem u ya u kyrtong ka NPP u Nihim D Shira da 1830 Vote.

Kam wow pynkynmoo, ka kurim u Dr. Mukul ka Dikkanchi D Shira toh ka MLA na Mahendraganj katwa u diah u u Zenith Sangma won toh u MLA ka Rangsakona.