U pynboon ya ki MDC na 30 cha 40 ngut ha KHADC wa GHADC katwa 34 ngut ha JHADC

Shillong: Ynne ka sngi da pynman ya ka yalang hapyrdi ka sorkar jylla, ki le tylli ki Autonomous District Council, kiwa mihkhmat yong ki seiñbhalang, hei emlang u Joint Secretary, Ministry of Home Affairs, Government of India, wow yaklam wow pynkylla (Amendment Bill) ya ka 6^th Schedule yong ka riti synchaar (Constitution) ka ri.

Ha kani ka yalang u montri rangbah, u Conrad Sangma da pynsñiaw u yei mynsien wa kmen hajrong kani ka yalang.

“Waroh ki seiñ tynre (traditional organisations), ki Autonomous District Council wa ki sorkar jylla da pynsñiaw ya ki hajrong ini i thmu wow pynkylla ya ka riti synchaar (Amendment Bill). Nga sñiawngooh O leh ya ka Ministry of Home Affairs kawa da ap yei sñiaw ki paidbah na ki bynta waphær waphær ka jylla,” da ong u Conrad.

U Satyendra Garg, u Joint Secretary (NE), MHA, da ong u wa waroh i sñiaw ki paidbah, ki Autonomous Council wa ka sorkar jylla da pachat ki yei sñiaw yong ki Village Council wa ki Municipal Council.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Da ong u leh wa deiwa pynkylla ya ka riti synchaar ka ri, ki MDC Seat hapoh Garo Hills Autonomous District Council wa ka Khasi Hills District Council u pynku ya ki cha ka 40 na ka 30 tylli heiwa 4 tylli u man ki ki nominated wei na kini ki 4 tylli 2 tylli u mang kyrpang neibynta ki kynthai.

Kamjooh hapoh ka Jaiñtia Hills Autonomous District Council u pynku na ka 30 cha ka 34 wei 2 tylli na ki 4 tylli ki Nominated Seat toh neibynta ki kynthai.