U pynchitom ka BJP ya ki dkhot wa emkti wow hiar thma ya u Montri Rangbah ha Tura

Heiyatoh wa i chah kem ki ar ngut ki dkhot ka chnat kynthai (Mahila Morcha) ka BJP Meghalaya hadien wa mih i kulmar ha Tura ynnin i miet hadooh wa da mynsoo 10 ngut ki pulit, 7 ngut ki CRPF wa kawi ka Home Guard heiwa ki paidbah wa em da ki spah ngut da kawang moo, kawang dieñ, kawang chuki Plastic ki ya ka Chief Minister’s Secretariat heiwa kini ki dkhot ka BJP da chah pynbaad ki kam kiwa pynchit.

Neiliang u Ernest Mawrie, State President ka BJP Meghalaya da beiñ joor u yeini wa jia deiwa ong wa ka BJP ym em kyrchaan ko ya kiwon kiwon ki kaam wa pynmynsoo pynkulmar wei ym em hi phah ki leh ya kini ki dkhot ka Mahila Morcha wow lai chimbynta ha kani ka yakhih.

Da ong ko wa ka BJP nadooh wa sdang ya ka ym jooh yakhih ko deiwa pynmynsoo wei ka BJP leh man ko kam chibynta kani ka sorkar wei iwon iwon i rai wa da chim da ka sorkar neibynta ki paidbah da e bait ki yei kyrchaan.

Heijooh i por da ong u wa lada em iwon iwon i dawa na kiwon kiwon ki liang, ym toh won u ktah yei lai i wan wa i im ki bru.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da dawa leh wow kem lut ya waroh kiwa emkti wow hiar thma ya ka yung krehkaam u Montri Rangbah wei ka Party daw yang ko ya ka Report naka Disiplinary Committee yow pynchitom ya kitu wa emkti wei da e por 15 sngi wow pyndep ya ka takit.