theme-sticky-logo-alt
theme-logo-alt
Advertisement ad1
Advertisement ad1

U pyndam ka Arunachal ya ki ST Certificate kiwa yoh pa da u wym toh u jaitbru ri-loom

Advertisement ad1

Ka sorkar Arunachal Pradesh daw pyndam noh ko ya ki Scheduled Tribe Certificate kiwa da dep e cha ki khon wa yoh bei da kawa man kam ka jaitbru ri-loom katwa u pa won da u wym toh u jaitbru ri-loom hadien wa da pait da bichaar ya kawi pa kawi da ka Committee wa da thung, da pyntip u Montri ka Arunachal hapoh ka Yung Dorbar Chna Aiñ ynnin ka sngi.

Ya ini da jubab yeiwa kylli u MLA ka Congress, u Lombo Tayeng heiwa u Montri ka Social Justice, Empowerment & Tribal Affairs (SJETA), u Alo Libang da khana u wa ka sorkar da pynbna ko ya ki kyndon ka ‘Arunachal Pradesh Schedule Tribe Certificate Issuance Guidelines’ ha ka 1 tarik u Naisaphra uni u snem heiwa da kdaw che kammon ki kyndon wa hap u bood hawa pyndam ya ki Certificate wei u chim noh ya ka Certificate wa da e cha kiwa ym toh u yoh.

Advertisement ad1
Advertisement ad1

Ki kyndon toh kiwa ong wa lada khana thok, lada murieh ya iwa emkaam u tip iwa da man kamwa thok yow yoh ya ka ST Certificate, ya kini ki jait toh u pyndam noh.

Kani ka Committee da dep ko wow pait ya 9 tylli kiwa yatoh wa i yoh ST Certificate wei da dep wow bichaar ya 5 tylli katwa ki 4 tylli toh kiwa dang bichaar heiwa kawi na kini toh wa kawi ka kynthai ri-loom ka Arunachal da bia ko wa u bru wym toh u jaitbru ri-loom.

Tangwa ka sorkar ym em booh ko ya u snem wa nadooh wow sdang kheiñ ya ini i pyndooh ST Certificate. I dawa pyndooh ST Certificate toh iwa da dawa da kiwa boon ki seiñ hapoh ka Arunachal kiwa da pynman yakhih ha kylleiñ ki thaw.

Share this:
Previous

Saam khon sniang u Sanbor wa u Himalaya

Next

Ujor FIR ka HITO pyrchah ya 18 tylli ki Truck kit mooyong ki High Level