U pynemkaam noh da ki kot ka NCERT heithaw ki kot ka MBoSE

Ka sorkar Meghalaya ynne ka sngi da rai ko wow pynkylla noh ya ki kot puræ yong ka Meghalaya Board of School Education (MBoSE) deiwa pynemkaam noh da ki kot ka National Council Education Research and Training (NCERT).

U Montri Rangbah ka jylla, u Conrad K Sangma da pyntip u wa ya ini da chim rai hadien wa da ya phyllu da rap slem wa kiwa pynlai skur wa ki seiñ waphær khamtam hawa yatoh waka Subject Science, Mathematics waka English.

Da ong u wa ka Syllabus wa Curriculum ka MBoSE ym yahaap ko waka NCERT heiwa em ki kot wa puræ ha Class-III ha NCERT katwa ha ka Syllabus ka MBoSE dang puræ ha Class-X najrong kiwi de kiwa boon i tkoh.

Da ong u leh wa ha ka MBoSE em hadooh 11 tylli ki kot puræ katwa ha ka NCERT em du 4 tylli wei i thmu wow pynkylla ya ki Curriculum toh yow pynduna ya ki kot puræ tangwa kiwa ya ryngkat kyrdan waka ri.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad da pyntip u leh wa da rai wow chim ya ki kot puræ ka NCERT nadooh Class-I hadooh Class-X wei da e kti ha ka MBoSE wei ini u krehkaam ko nadooh u snem puræ wow wan.

Ya kitu ki skur wa puræ hei ktien yong ki hi, daw pynkylla ya kini ki kot ka NCERT cha ka ktien yong ki hi.

Chooh chooh da pyntip u wa hadien wa da thooh bniah wei ya syllok wa kiwa pynlai skur, ki seiñ waphær waphær, da rai wa kiwa boon ki kot puræ ka MBoSE khamtam ha ka Subject English, Mathematics wa Science toh ki wym yahaap kyrdan ha ka ri. I rukom e sikai leh ym man katkam ka kyrdan ha ka ri wei ini i pynkylla ya ki kot puræ daw pynduna i yei boon ki kot puræ.

Da e nongmuna u leh wa katni ha MBoSE nadooh Class I, II wa III, em ki hadooh 11 tylli ki kot puræ katwa ha NCERT em ki du 4 tylli. Ha Class-V em 17 tylli ki kot ka MBOSE katwa ha ka NCERT em du 9 tylli wei em ki kot wa puræ ha Class-VI wa Class-VII ha ka NCERT katwa ha MBoSE dang puræ ha ka Class-X.

Ini i thmu ka sorkar toh wow kyntu wei wow pynbha ya ka puræ puthi yow ya ryngkat wa ka ri waroh kawi. Tangwa ka sorkar ym mylliñ ko wow thap leh ya ka History waka dustur riti ka jylla ha ki kot puræ.

Neibynta ini, kiwa sikai daw yoh ki leh yei chah hikai katkam i emkaam ki.