Ka Montri ka sorkar jylla, ka Ampareen Lyngdoh da pynsñiaw ko yei kmen wym ye de hadien wa ka High Court Meghalaya da pyndam noh ko ya ka mukotduma kamjooh wa ki ujor pyrchah ya ka heiyatoh wa ki kaam wa chah pynbaad ko wa da pynkylla ko ya ki Marks deiwa biah sia lieh kiwa yaleh kreh Assistant Teacher ha ki Lower Primary School ka sorkar ha u snem 2008-09 heipor wa man ko kam ka Education Minister.
Hawa yaklam wa kiwa thoh khubor ynne ka sngi, ka Ampareen da ong ko kani toh ka sngi kmen wym ye de u batai wei da e ngooh ko ya u Blai uwa da e ya ka ya kani ka bynta wow pynkhooid yei sia wa da biah da kattu katni hei pyrtuid ko wa ki kattu katni kiwa da pynsñiawsih wei klam beiñ ya ka.
Tangwa smat ko wow maap ya kitu kiwa da lehbeiñ wei klam beiñ ya ka wei da sñiawngooh ko ya ka yung ka sem kiwa da em bait ha chrooh ko.
Da ong ko wa ka yung ka sem ko da jynjar ko la 17 snem wei hadooh ka bei ko da khlaad ko deiwa sñiawsih wa em em kam ini i pynbaad khlem yoh ko u yoo yeini i bichaar hok wei ka u pteiñ ko wow e chakri wa khlem leh chiliang.
Kam wow pynkynmoo wa kamwa 200 ngut kiwa sikai skur kiwa da chah thung kreh pyrchah ya ka aiñ da chah pyndam ki kiwa da chah biah dei sia lieh ha ki Marks yong ki heiwa da chah pynbaad ha itu i por wa da leh deiwa phah ki MLA wa ki Montri sorkar waphær waphær.
Discussion about this post