Yachem u Conrad wa u Amit Shah yow dawa pynkrehkaam noh ya ka ILP

U Montri Rangbah ka jylla, u Conrad Sangma ynne ka sngi da yachem u wa u Home Minister ka sorkar pyrdi, u Amit Shah yow yaklam neibynta ki soo tylli ki phang.

Nyngkong da paan ya ka Cadre yong ka Meghalaya hi neibhah kamwa man kattæ da em ka Assam-Meghalaya Cadre heiwa ha waroh kawi ka ri du ha Meghalaya wa Assam donhi wa leh kamni neibynta ki sahep sorkar kam ki IAS wa IPS.

Da yaklam leh heiyatoh wow tipmit noh ya ka ktien Khasi wa Garo hapoh ka 8^th Schedule deiwa ong leh wa kam ka sorkar da chim ko ya ka rai (Resolution) heiyatoh wa ini deiwa pynkynmoo leh ya oo wa dadep wow e boon tylli ki dorkhar heiyatoh wa ini.

Da yaklam leh heiyatoh i dawa pynkrehkaam ya ka ILP hapoh ka jylla heiwa u Conrad da pyntip u cha u Home Minister wa deiwa pait yei long i man ha khappood kattæ da emkaam bha u em ka ILP yow khanglaad yei wan psiah ki baar ri.

Related posts

Hadooh san sngi daw sangeh krehkaam ki Bank neiwa khut pynman Strike

September 21, 2026

Da pynthymme ya kiwa kitkaam ka West Jaintia Hills District Youth Congress

September 21, 2026

U Conrad da ong u wa deiwa em ka ILP daw ye leh u pynskem ya u pood neibhah ym em laad de da kawi.

Khaddooh da dawa wow e pyrtuid ya kawi ka sarok ha New Delhi hei pyrtuid u P.A. Sangma uwa man kam u bru wa yieñ neibynta ki bru ka Northeast ka ri uwa da man leh u bru wa da bna naam hapoh ka ri.