U mooyurim yow pynku kyrdan yaka Mylliem-Umthlong Sub Centre cha ka Primary Health Centre da booh ynne ka sngi ha Umthlong Maweitnai, East Khasi Hills District. Heiwa u Montri ka chant i chait i khiah u A L Hek da wan u kam u kongsan deiwa emlang u Montri ka Community & Rural Development, u Hamlet Dohling kam u symbood kongsan.
U A L Hek hei klam yong oo da ong u wa ka PHC toh neibynta ki paidbah, kamtæ toh u wan ki chakhmat yow yoh yei myntoi. Da pyntip u leh wa yow pynku kyrdan yaka PHC daw pyndep hapoh 18 bnai hei lut wa T. 7.92 klur.
Da pynchlur u leh wow wan chakhmat yow thap pyrtuid hapoh ka Megha Health Insurance Scheme.
Neiliang u Hamlet Dohling, da pynsñiaw u yei kmen ya ini i pynku kyrdan yaka Sub Centre cha ka PHC iwa da man i thrang ki paidbah da slem wei da man ko leh ka sngi wa sahkynmoo ya ka Mylliem Umthlong kamjooh ki chnong wa em chajan.
U Dohling da kyrpaad u leh ya ki paidbah wow ya krehlang wa ki Doctor kamjoooh leh ki wakreh ka PHC yow pynku yaka thaaiñ.
Kiwi de kiwa klam toh u Dr. A Warr, DHS (MI), Dr. M R Basaiawmoit, DMHO, East Khasi Hills, u P T Passah, BDO, Mylliem Block wa Dr. D P Syiem, Senior Medical & Health Officer, Pomlum PHC.
