U pynlai noh da ki bor District ya ka Krangsuri hadien wa mih i yakajia hapyrdi ki soo kur

Hadien wa em ka mukotduma wa da yaleh da ka Raij Buam heiyatoh wa i pynlai ya ka kchaaid Krangsuri wa em ha West Jaiñtia Hills neidaw wa em ki le kur kiwa kwah wow pynlai noh ka kiwa kynthup ya ka Sumer, Surong wa Khyriem, neiliang ka High Court ka Meghalaya ha ka 5 tarik uni u bnai da pynmih hukum ko wow pynlai noh ya kani ka thaw chipor da ka District Tourism Promotion Society (DTPS) heiwe da thung leh ya ka Nodal Officer da ka District Tourism Officer.

Ka DTPS u chim ko leh ya ka bai psiah, bai pynyieñ kari, bai Life Jacket, bai chong lieñ wa kiwi kiwi de wei yeini ye leh wow su lyngba ka UPI ka wow lai cha ka Bank Account ka DTPS, wei ya kiwa kreh ha kani ka thaw u su cha ki da ka poisa wa mih na ini.

Ka bai wai ki dukan wa em ha Krangsuri leh hap wow su cha ka DTPS.

Ka DTPS u leh ko leh ya ka Quarterly Audit yow kheiñ ya ka poisa wa da yoh u pynlang.

Related posts

Kyrchaan sa ki khynnah ka NEHU-Tura Campus yei yakhih

November 12, 2024

Ar kynta chimpor wow sai ya uwa yah hadien i tyrrah ki Truck

November 12, 2024

Da phah leh wow booh pulit ha ki thaw psiah cha kani ka thaw yow pyntikna wym em kiwa khang ya ki paidbah.

Kini ki kyndon ka High Court toh kiwa krehkaam ha ki thaw wa em hapoh ka Raij Buam kiwa em neiliang ka Ladjaplem katwa kiwi won ki thaw psiah kiwa neiliang u sarok Muktapur kiwa man ki thaw ki bru samen ki wym em hapoh ini yakajia; u lai chakhmat u chim ki ya ka bai booh kari wa kiwi de da ki tre hi kini ki thaw kamwa jooh leh nachwa.

Lada em kiwa chong pynman yakhih yow pyrchah kiwa pynthut yei lai i wan ki bru, ya kini daw kyrriah ki.

Neiliang ka Raij Buam da booh ko yei kyntu wa kitu kiwa jooh kreh ha kani ka thaw ymtoh u chah beh ki næ wow thung da kiwi heithaw yong ki.

Ka High Court da phah ko leh ya ka JHADC wow chong bichaar hajrong ini i yakajia hapyrdi kini ki soo kur wei kat wym pu pyndep u leh yeini, ya ka Krangsuri u neh ko hei pait ka DTPS.