U pynlait ka sorkar ya ka bai wai ki dukan wa em ha ISBT kiwa da hap wow khang

U MLA ka Mawlai, u Brightstarwell Marbaniang ynne da pynsñiaw u hapoh ka yung dorbar yei chah ktah kiwa em dukan hapoh ka ISBT, Mawiong nei pynchna ya ka yingkieñ Umiam Dam iwa da chimpor hadooh 7 bnai.  

Da ong u wa neidaw wym chah u lai ki Bus na yingkieñ Umiam, ki Bus leh da dam ki wow wan cha ka ISBT iwa da ktah ya kiwa imja deiwa booh dukan hapoh ka ISBT wei kattu dadap 9 bnai leh dang khang bait ya kani ka ISBT, kamtæ da kylli u lada daw yarap ka sorkar ya kini kiwa em dukan.

U Sniawbhalang Dhar, uwa pait leh ya ka chnat Transport, da ong u wa chwa wow khang ya ka yingkieñ Umiam, da em 29 tylli Bus wa lai cha kiwi ki jylla kiwa pynemkaam ya kani ka ISBT nadooh ki yong sorkar wa ki yong ki bru samen.

Ki dukan wa da chim ki bru wow pynemkaam toh 22 tylli hapoh kani ka ISBT wa 12 tylli won ki wym pu em wa chong wei i khut Tender ya kini da hap pynsangeh neidaw wa hap khang ya ka ISBT.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Ka bai wai wa da chim nadooh wa pynkrehkaam ya ka ISBT hadooh u Wisu (Mar) uni u snem dapoi ko Rs. 30,20,515 wei ka bai wai wa da yoh ha chi bnai chwa wow khang toh Rs. 5,08,328.

Nadooh wa khang ya ka yingkieñ Umiam ha ka 31-03-24, lait na ki Bus ka MTC, da dam kiwi wow pynemkaam ya ka ISBT wei da krehkaam ki na Barapani wei ki dukan wa em ha ISBT leh da hap khang ki.

Kamtæ da ong u wa ka sorkar daw pynlait ko ya ka bai wai neibynta kini ki bnai wa hap khang ya ka ISBT wei dadep leh u yaklam u yachem wa kiwa chong dukan wei kamwa man kattæ ka yingkieñ dang khang hi ko yei lai ki Bus.

Yow lait neini, da ong u wa ka sorkar dang pait ko da kiwi ki sarok kam u Mawlai Bypass uwa ye wow pynemkaam ki Bus deiwa lai na Shillong Bypass.