U pynlait noh ka sorkar yaka Scholarship ki khon kiwa em pyrtuid hapoh ka Meghalaya Building & Other Construction Workers’ Welfare Board

Shillong: U Principal Secretary ka sorkar Meghalaya uwa man leh u Chairman ka Meghalaya Building & Other Construction Workers’ Welfare Board, Shillong da pynbna u wa ka Meghalaya Building & Other Construction Workers’ Welfare Board kam chibynta wow yarap yaki khon kiwa yoh myntoi (Beneficiaries) kiwa da em pyrtuid (Registered) hapoh ka Board kiwa dang lai puræ, da pynlait yaka Scholarship Grant wa em 1086 tylli kawa da poi T. 56,88,600 (Rupees Fifty six lakhs eighty eight thousand six hundred) neibynta u snem 2017-18 wa 2018-19.

Neibynta wow pynlait yaka poisa neibynta u snem 2019-2020 dang lai ko chakhmat wei daw pyndep noh ym slem de, da pyntip u.

Chooh chooh da pyntip u wa ya katai ka poisa u phah lyngba ka Direct Benefit Transfer (DBT) namo deiwa phah bait cha ki Bank Account kiwa yoh myntoi chwa wow kut uni u snem mang poisa namo u Financial Year.