Ka lehniam Kopati Puja ka Raij Raliang wa jooh leh man-u-snem hadien wa dep ah kba, toh ka lehniam wa khaddooh wa jooh pyndep daka Raij Langdoh Raliang deilang waki Soo Langdoh Raij Elaka Raliang, kamtæ ha uni u snem kani ka lehniam u man ko haka 25, 26 wa 27 tarik uni u bnai.
Katkam i pyntip u Dolloi ka Elaka Raliang, u C. Lyngdoh da ong u wa ka lehniam wa heh wei kawa phooh wa pheiñ dooh toh haka 26 tarik ha madan Shrah Umphulang Raliang, heiwa daw em ka chaad ñiamtre (Cultural Programme) nadooh i por 11 waje i step hadooh 2 waje i sngi.
ADVERTISEMENT
Kamtæ da khut sñiawbha ya phi ki paidbah u wan sakhi wan pynchongchit ya katai ka lehniam.
