U pynman yakhih ki wakreh ka GHADC wa khlem yoh tulop la 31 bnai

Ki wakreh ka GHADC hapoh ka seiñ Non Gazetted Employees’ Association (NGEA) da chim ki ya ka rai wow pynman yakhih yow dawa su ya ka tulop ki kawa da sah la 31 bnai khlem su.

Ya ini da leh hadien wym em da su ya ka tulop katkam wa da kular da u CEM, u Albinush Marak ha ka 18 tarik u Naikhynde uni u snem wow su chwa ar bnai heipor wa pynman yakhih ka NGEA.

Kani ka yakhih daw pynman le sngi deiwa chong kyllaiñ myngngor nadooh ka 10 tarik, da pyntip u President ka NGEA, u Brithen Sangma deiwa pynrap wa ini i dooh tulop ki ym ye de tang wow thied baam wei wow su ya ka bai skur ki khon ki.

Neiliang won u CEM da ong u wa i slem wow su ya ka ar bnai ka tulop ymtoh wa duna poisa tangwa na ki daw wym poi pyrkhat wei da ong u leh wa da em ki kattu katni kiwa da yoh ya ka tulop neidaw wym ye u pynlait chisien pynlait ya ka poisa.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da kular u leh wow pynlait ya ka tulop wa ar bnai kamwa da kular wei i kaam da lai i chakhmat tangwa neidaw wa kjut u Secretary ka GHADC da slem wow leh yeini.

Kani ka ar bnai ka tulop toh kawa da kular wow su chwa u kut u Naikhynde, 2023.

Ka GHADC da emkaam ko kamwa Rs. 4 klur chi bnai yow su tulop da ka Pay Scale warim.